LoVe aNd PaSsiON

اللى بتحبه مبيحبهاش واللى مبيحبهاش بيحب واحده بتحب واحد تانى بيحب واحدة مبتفكرش فيه
عشان بتفكر فى واحد غيره ,,
"هو احنا ليه بنحب اللى ميحبناش ومش بنحب اللى يحبنا"

I ReallY NeeD SiLeNCe

ارهاصات

قولو يا فلاسفة للبنى ادمين

محدش فينا زى الناس العاقلين

احنا مجانين

وهم مجانين

والمشكله فى الناس الجعانين

تايهين... لكن ماشيين

طريقهم مش زى طريقنا

لكن فى الاخر ...كلنا ميتين

ولانى تايه ومش عارف

قررت اكتب كل الى انا شايف

شايفك بعيد عنى

وكل اما اقرب تجرى منى

مش عارف

انا مش حاسس انى زى كل البنى ادمين

ممكن احب واتحب

بس شايف انى لو حبيت

هبقى غير كل العاشقين

وانا عارف انى فقرى

ودايما انا منك بجرى

وكمان عارف انى فيلسوف

وفى كل الامور ممكن اشوف

وعارف بردو انى مقصر

بس مش حاسس انى متاخر

حاسس انى هيجى يوم وهلاقينى

وعارف انى هلاقيكى

بس ياترى هتجرى منى ولا هتمسكينى

..............

المعذبون فى الارض
الشعب المصرى ده جامد مهما عملو فيه هو يقول كمااااااااان اسعار الحديد تخطت حاجز 6 الاف جنيه مصرى فى خلال شهر بعد ان كان سعره من شهر يقارب 4 الاف جنيه او اقل , السعر فى يوم واحد قفز من 4600 ل 5000ج وبعدها باسبوعين قفز وده كان من يومين بالظبط اتنطط من 5000ج لحد ما وصل ل6000ج وانا سمعت انه كمان هيغلى اكتر وهيوصل ل 7000ج عشان المسافرين بره مصر وبيرجعو يبنو بيوت بالفلوس اللى جايبينها , حديد عز عشان هو بتاع عز فهو غالى وللغالييين وبس .
انا مش فاهم هو يعنى عشان هو اسمه عز هو ابن عز واحنا ولاد كلب يتحكم فى سوق الحديد ويرفع سعره فى كام شهر الفين جنيه او اكتر ومحدش يقوله تلت التلاته كام واللى يشل ان كلالبلد ربطت نفسها بالحديد حديد عز على يبقى الاسمنت يغلى والطوب يغلى والرمل والظلط واشمعن السلع الغذائيه انشاء الله معننا كلنا ولا شربنا, الزيت يزيد سعره والسكر والارز واحنا عشان شعب جامد وبيستحمل وبيقدر السلطه اللى تعبانه وشقيانه عشانه مش بنتكلم عارفين فى حاجت تانيه اهم وهم يا عينى يا حبه قلبى مشغولين وورلهم بلاوى متلتله ده كفايه امن البلد ربنا يكرم الحكومه والوزراء اللهم اغنيهم وافقرنا اللهم اديهم بطيخ من غير بزر على الراى الفنان عادل امام .
العجيب يا اخى ان الناس فاكره ان حديد عز ده حته من السما هو وبس ولا حد تانى امى اشترطت على المقاول اننا نكمل مبانى بحديد عز على اساس ان مفيش غيره بس هى غلبانه والشعب غلبان , يعنى هى كانت هتعرف منين غيره هى بتشوف حد بيشترى حديد غير عز ولا اعلان يوحد ربنا لحديد غير عز اللى كل ما افتح قناه الاقيه ادامى . مش عارف اقول ايه بس انا بستغرب فعلا مش الحاله اللى احنا فيها,
يعنى تخيلو معايا وارجعو بالذاكره مش ورا اوى لحد يوم فوزنا بكاس الامم الافريقيه وافتكرو كنا عاملين ازاى واد ايه كنا فرحانين وماليين الشوارع اغانى وهتافات وكل الشعب اتجمع على انه يفرح من غلبه ما صدق يلاقى طاقه نور يفرح ويتبسط , وعلى الرغم من كده الاسعار من حواليه تطلع والمصاريف تزيد والمرتبات تقل والشغل يننعدم وهو لا يتكلم طيب هنتكلم امتى ولا هننطق امتى, تعرفو ان سعر برميل البترول لاول مره فى التاريخ يتخطى حاجز 100 دولار عارفين ليه عشان الدول العربيه فى الخليج اللى بتصدر البترول اسعار السلع الغذائيه فيها زادت حبو يعوضو ده بزياده سعر البترول , انا عارف اننا معندناش بترول بس عندنا حاجات كتير اغلى من البترول عندنا احنا مصريتنا ,
وبجد انا بقول لعز اذا كنت انت عز فربنا عزيز وربنا فوق الكل .